Қатар-2022: А гуруҳида қайси жамоа мусобақани давом эттиради

ASTANA. Kazinform – Қатарда бўлиб ўтадиган футбол бўйича 2022 йилги жаҳон чемпионати 29 ноябр куни «А» гуруҳида учинчи тур ўйинлари бошланади, деб хабар беради Kazinform мухбири.

Ушбу гуруҳдаги иккала ўйин Москва вақти билан 21:00да бошланади.

Ҳозирча Нидерландия - 4 очко, Эквадор ва Сенегал - 3 очко. Бу жамоаларда мусобақани давом эттириш имконияти бор. Икки турда гол ўтказа олмаган Қатар эса гуруҳ босқичидан нарига ўта олмаяпти.

Нидерландия – Қатар учрашувини «Qazaqstan» телеканали жонли эфирда намойиш этади.

Ўйин Эл-Ҳаурдаги 68 895 мухлисга мўлжалланган «Эл-Байт» стадионида бўлиб ўтади. Бош ҳакам - гамбиялик Бакари Гассама.

Икки жамоа ўз тарихларида илк бор тўқнаш келишади.

Ушбу гуруҳдан жой олган Эквадор – Сенегал учрашувини мухлислар «Qazsport» телеканали орқали томоша қилишлари мумкин.

Ўйин Доҳадаги 45 857 мухлисга мўлжалланган «Халифа Интернейшнл» стадионида бўлиб ўтади. Бош ҳакам - франциялик Клеман Тюрпен.

Икки жамоа ўз тарихларида иккинчи марта ўйнашади. 2002 йилда ўтказилган ўртоқлик учрашувида Сенегал 1:0 ҳисобида ғалаба қозонган.

Шунингдек, соат 1:00да «Б» гуруҳида Уэльс ва Англия, Эрон ва АҚШ терма жамоалари куч синашади.

Эслатиб ўтамиз, бунгача Бразилия рекорд натижага эришган эди.

Муаллиф: Адилжан Умбет Очиқ манбалардан олинган фотосурат