Каспий денгизида бедарак йўқолган икки нафар ҳарбий хизматчининг жасади топилди: қидирув операцияси якунланди

Бугун, 25 сентябрь куни соат 09:15 атрофида, узлуксиз қидирув-қутқарув операциялари давомида илгари бедарак йўқолган икки ҳарбий хизматчи – сержант Мансур Ғумаров ва матрос Мирас Турдибекулининг жасади топилди.

Эслатиб ўтамиз, фожиали воқеа машғулотлар ва жанговар бурчни бажариш пайтида об-ҳаво шароитининг кескин ёмонлашиши натижасида содир бўлган, натижада 17 нафар ҳарбий хизматчи денгизга оқиб кетган. Улардан 3 нафари қутқарилган, 14 нафари эса ҳалок бўлган.

Қозоғистон Республикаси Мудофаа вазирлиги ва Қуролли Кучлар раҳбарияти ва шахсий таркиби ҳалок бўлган ҳарбий хизматчиларнинг қариндошлари ва яқинларига ҳамдардлик билдиради.

Вафот этган ҳарбий хизматчиларнинг оилаларига барча зарур ёрдам, жумладан, моддий ва руҳий ёрдам кўрсатилади.