Қасим-Жомарт Тоқаев ва Абу-Даби Валиаҳд шаҳзодаси Астана халқаро молия марказига ташриф буюрди
ASTANA. Kazinform – Қасим-Жомарт Тоқаев ва Шайх Холид бин Муҳаммад бин Зоид Ол Наҳаён Астана халқаро молия марказига ташриф буюрди. Бу ҳақда Ақорда матбуот хизмати хабар берди.
Ҳурматли меҳмонлар Молия марказининг ютуқлари билан таништирилди. Шунингдек, АХММ Суди, Молиявий хизматларни тартибга солиш қўмитаси, фонд биржаси ва Халқаро арбитраж марказининг хусусиятлари ҳам тақдим этилди.
АХММ директори Ренат Бектуров Қозоғистон Президенти ва Абу-Даби Валиаҳд шаҳзодасига сармоявий ҳамкорликни ривожлантириш имкониятлари ҳақида маълумот берди.
Бугунги кунда Бирлашган Араб Амирликларининг 46 та компанияси АХММ резидентлари сифатида рўйхатдан ўтган. Улар молия ва суғурта, ахборот-коммуникация технологиялари, савдо, транспорт, ишлаб чиқариш, тоғ-кон саноати каби турли соҳаларда фаолият юритади.
Бундан ташқари, Қозоғистон ва БАА капитал бозорлари ўртасидаги алоқа мустаҳкамланмоқда. Масалан, жорий йилнинг 7 май куни Nasdaq Dubai ва Astana International Exchange (AIX) ўзларининг марказий депозитарийлари ўртасида тўғридан-тўғри алоқа ўрнатилгани ҳақида эълон қилди.
Ўтган йили AIX Абу-Даби биржаси (ADX) томонидан ташкил этилган Tabadul рақамли алмашинув марказига қўшилди.
Эслатиб ўтамиз, Абу-Даби валиаҳд шаҳзодаси Шайх Холид бин Муҳаммад бин Зоид Ол Наҳаён расмий ташриф билан Астанага келди.
Қасим-Жомарт Тоқаев Абу-Даби Валиаҳд шаҳзодасини Ақордада кутиб олди.
Абу-Даби Валиаҳд шаҳзодаси Қозоғистон билан қайси соҳаларда ҳамкорлик жадаллаштирилишини айтди.
ҚР Президенти Абу-Даби Валиаҳд шаҳзодаси Холид бин Муҳаммад бин Зоид Ол Наҳаён билан музокаралар ўтказди.
Қозоғистон Президенти ва Абу-Даби Валиаҳд шаҳзодаси №84 мактаб-лицейига ташриф буюришди.
