Қасим-Жомарт Тоқаев шайх Сурур бен Мухаммад Ал Нахаён билан учрашди

ABU-DABI. Kazinform – ҚР Президенти Абу Даби Амирлигини бошқарувчи сулола вакили, БАА катта бизнес вакили, «Etihad Towers» кўпфункционал комплекси эгаси, «First Abu Dhabi Bank» акционери шайх Сурур бен Мухаммад Ал Нахаён билан учрашди, деб хабар беради Ақорда матбуот хизмати.

Учрашувда Давлат раҳбари Бирлашган Араб Амирликлари Қозоғистоннинг Яқин Шарқдаги ишончли шерикларидан бири эканлигини, ташриф доирасида Абу-Даби тахт меъросхўри, шайх Мухаммад бен Зоид Ал Нахаён билан икки томонлама ҳамкорликни янада ривожлантиришга келишиб олганини таъкидлади.

Шайх Сурур бен Мухаммед Ал Нахаён Қозоғистон Президентига ўзининг «West Hydrocarbons Commercial Investment LLC» компаниясининг Ғарбий Қозоғистон вилоятида нефтни қайта ишлаш заводини қураётганлигини маълум қилди.

У келгусида ҳам Қозоғистон билан бирлашиб иш олиб боришга, янги лойиҳаларга инвестиция киритишга ният билдирди.