Қасим-Жомарт Тоқаев Шахтер қишлоғидаги ижтимоий объектлар фаолияти билан танишди
ASTANА. Кazinform - Давлат раҳбари Қарағанди вилоятига амалий ташрифи доирасида Нура тумани Шахтер қишлоғидаги бир қатор ижтимоий объектларда бўлди.
Қасим-Жомарт Тоқаевга қишлоқдаги жисмоний тарбия ва дам олиш мажмуаси таништирилди. Бу ерда волейбол, баскетбол, футбол, стол тенниси, қозоқ кураши секциялари, спорт зали мавжуд. Мажмуада Музбел, Егинди, Байтуған қишлоқлари болалари ҳам спорт билан шуғулланади.
Президент сузиш ҳавзаси ва яқинда таъмирдан чиқарилган маҳаллий маданият уйида бўлди. “Шахтерское” МЧЖ директори Георгий Прокоп Қасим-Жомарт Тоқаев бизнеснинг ижтимоий масъулияти доирасида турли лойиҳаларни амалга оширишга ҳисса қўшганини таъкидлади. Шунингдек, туманда спорт, маданият ва санъат ривожига кўмаклашаётганини айтди.
Давлат раҳбари Шахтер қишлоғи халқ оркестри жамоаси билан суҳбатлашди, уларга ижодий муваффақиятлар тилади. Президент ҳудудларда спорт ва маданий лойиҳаларни амалга ошириш муҳимлигига эътибор қаратди.
