Қасим-Жомарт Тоқаев Қирғиз халқини Мустақиллик куни билан табриклади

ASTANA. Kazinform – Қасим-Жомарт Тоқаев Қирғизистон Мустақиллик куни муносабати билан табрик телеграммаси йўллади, деб хабар беради Ақорда.

Давлат раҳбари Қасим-Жомарт Тоқаев Президент Садир Жапаровни ва Қирғизистон халқини миллий байрам – Мустақиллик куни билан табриклади.

«Замонавий Қирғизистон эришаётган ютуқлар Қозоғистонда катта иштиёқ билан қабул қилиниб, дўстлик, яхши қўшничилик ва ўзаро ёрдам руҳидаги кўп томонлама ҳамкорлигимизни янада мустаҳкамлашга алоҳида эътибор қаратилмоқда. Ишончим комилки, қўшма саъй-ҳаракатлар туфайли қозоқ-қирғиз стратегик шериклик ва иттифоқчилик муносабатлари қардош халқлар фаровонлиги йўлида мустаҳкамланади», – дейилади телеграммада.