Қасим-Жомарт Тоқаев Қатар халқини Миллий байрам билан табриклади

ASTANА. Кazinform – Давлат раҳбари Қатар Амири Шайх Тамим бин Ҳамад Ол Соний ва Қатар халқини Миллий байрам билан табриклаб, тинчлик ва ҳамкорлик тамойилларига содиқ қолган мамлакат келгусида ҳам жадал ривожланишини тилади.

Бу ҳақда Kazinform Ақорда расмий сайтига таяниб хабар беради.

«Сизни ушбу тантанали байрамга тўғри келган футбол бўйича жаҳон чемпионати муваффақиятли ва яхши якунлангани билан чин қалбимдан табриклайман. Жаҳон брендига айланган ушбу шов-шувли ўйин Қатарнинг эртанги кунга қатъий ишонч билан олға бораётган фаровон давлат эканлигини яна бир бор тасдиқлади. Айниқса, оддий спорт ишқибози қатори жаҳон ҳамжамияти ҳам жаҳон чемпионатининг юқори савиядаги янги стандартларига гувоҳ бўлди», — дейилади телеграммада.

Шу билан бирга, Президент Қозоғистоннинг Форс кўрфазидаги асосий шерикларидан бири бўлган Қатар билан яқин муносабатларимиз йилдан-йилга мустаҳкамланиб, ҳамкорлик кўлами кенгайиб бораётганини катта миннатдорлик билан қайд этди. У биргаликдаги саъй-ҳаракатлар туфайли юксак салоҳиятли муносабатлар икки мамлакат халқлари фаровонлиги йўлида янада ривожланиб боришига ишонч билдирди.