Қасим-Жомарт Тоқаев Европа Кенгаши президенти Антониу Кошта билан учрашди
SAMARQAND. Kazinform – “Марказий Осиё – Европа Иттифоқи” саммитида иштирок этиш учун Самарқандга келган Қасим-Жомарт Тоқаев Европа Кенгаши президенти Антониу Кошта билан учрашди. Бу ҳақда Ақорда матбуот хизмати хабар берди.
Европа Иттифоқи Қозоғистоннинг энг йирик савдо шериги ва хорижий инвесторидир. Мамлакатга киритилган тўғридан-тўғри хорижий сармоянинг 40 фоиздан ортиғи ушбу ташкилотга тўғри келади. Ўтган йили Қозоғистон ва Европа Иттифоқига аъзо давлатларнинг товар айирбошлаш ҳажми 50 миллиард долларга етди. Бу Европа Иттифоқи ва Марказий Осиё давлатлари ўртасидаги савдо ҳажмининг 80 фоизини ташкил этади.
Учрашувда иқтисодиётнинг турли тармоқларида кўп режали ҳамкорликни янада мустаҳкамлаш масалалари муҳокама қилинди.
Қасим-Жомарт Токаев ва Антониу Кошта Қозоғистон ва Европа кенгаши ўртасидаги ҳамкорликни ўзаро ишонч, стратегик манфаат ва узоқ муддатли истиқболга асосланган жадал ривожлантириш муҳимлигини таъкидладилар.
