Қасим-Жомарт Тоқаев Еревандаги Матенадаран қадимий қўлёзмалар институтига ташриф буюрди
ҚР Президенти Қасим-Жомарт Тоқаев Арманистонга расмий ташрифи доирасида Месроп Маштоц номидаги Матенадаран қадимий қўлёзмалар илмий-тадқиқот институтига ташриф буюрди. Ташриф чоғида Давлат раҳбарига Арманистон Миллий ассамблеяси раиси Ален Симонян ҳамроҳлик қилди, деб хабар беради Каzinform Ақорда матбуот хизматига таяниб.
Қозоғистон Президенти дунёдаги энг йирик қўлёзмалар омборларидан бири фаолияти билан танишди, қадимий матнларни кўздан кечирди.
Қасим-Жомарт Тоқаевга илмий-тадқиқот институтида сақланаётган қипчоқ қўлёзмалари ҳам совға қилинди.
Кейинги йилларда Арманистон олимлари кўмагида Матенадаран фондларидан Ўрта Осиё ва Қозоғистон тарихига оид 40 та тарихий асар нусхалари олинди. 2024 йилда институт қипчоқ тилидаги қўлёзмалар тўпламини нашр этишни режалаштирмоқда.
Матенадаран ЮНEСКОнинг Жаҳон мероси рўйхатига киритилган ва арман миллий хотирасини сақлаш учун энг муҳим жойлардан бири ҳисобланади. Институт Арманистоннинг рамзларидан биридир.
