Канело-Бивол андеркардида Элнур Абдураимов 2-раундда нокаут билан ғалаба қозонди

NUR-SULTAN. Kazinform – Ўзбекистонлик этник қозоқ Элнур Абдураимов Канело-Бивол андеркардида ўзининг навбатдаги жангини ўтказди. Бу ҳақда Kazinform Sports.uzга таяниб хабар беради.

У супер ярим енгил вазн (58,9 кг) тоифасида кубалик Мануэль Корреага қарши рингга кўтарилди. 8 раундга мўлжалланган ушбу баҳс 2-раундда ўз якунига етди.

Қувонарлиси, Элнур тўлиқ устунлик эвазига 2-раунд ўтиб бораётган бир паллада кетма-кет нокдаунлардан сўнг, нокаут билан ғалаба қозонди.

Шу тариқа Элнур Абдураимов ўзининг 9-жангидаги 8-нокаутли ғалабасини қайд этди.