«Исроилда 5G тармоқлари тақиқланган» - фейк

ASTANА. Кazinform – Ижтимоий тармоқларда исроилликлар мамлакатда 5G тармоғининг ўрнатилишига норозилик билдириб, устунларни ёқиб юбораётгани ҳақида маълумот тарқалди. Stopfake.kz муаммони аниқлашга ҳаракат қилди, деб хабар беради Каzinform.

Маълум бўлишича, Исроилда 5G тақиқлангани ҳақидаги миш-мишлар 2019 йилнинг июль ойида пайдо бўлган эди. Бироқ, Factlyнинг инглиз тилидаги фактларни текшириш нашри буни рад этди.

«Бугунги кунда Исроилда тармоқлар ўрнатилиб, муваффақиятли ишламоқда. Уларнинг уланиши ва тарифлари ҳақида батафсил маълумот маҳаллий провайдерларнинг расмий веб-сайтларида мавжуд.

Интернетда исроилликлар мунтазам равишда ёқиб юборадиган 5G устунлари ҳақида ҳеч қандай маълумот йўқ. Бундай вазият АҚШ ва баъзи Европа мамлакатларида содир бўлган, аммо бу ҳаракатлар доимий характерга эга эмас эди.

Шунинг учун тарқатилган маълумотлар ёлғон ва унга ишонмаслик керак. Исроилда 5G тармоқлари ўрнатилди ва муваффақиятли ишламоқда. Мамлакатда уларнинг фаолиятига ҳеч қандай тақиқ йўқ», — дея хулоса қилади Stopfake.kz.