Испаниянинг «Барселона» клуби Мессига 25 миллион евро маош таклиф қилишга тайёр

ASTANА. Кazinform - Испаниянинг «Барселона» клуби Франциянинг «ПСЖ» клубининг аргентиналик ҳужумчиси Лионель Мессига йилига 25 миллион евро маош таклиф қилишга тайёр. Бу ҳақда Sport.es маълум қилди, деб хабар беради Kazinform Сhampionat.comга таяниб.

Манбага кўра, «Барселона» Мессига яна бир мавсум узайтириш имконияти билан бир йиллик шартнома таклиф қилади. Каталония клуби таклиф қилаётган маош «ПСЖ»даги аргентиналик ҳужумчиникидан 4 баравар кам.

Мессининг «ПСЖ» билан шартномаси 2023 йилнинг июнь ойи охирида тугайди. Ҳужумчи эркин агентга айланиши мумкин. ОАВ хабарига кўра, Мессига «Барселона»дан ташқари Саудия Арабистонининг «Ал-Ҳилол» клуби ҳам қизиқиш билдирмоқда, у футболчига йилига 400 миллион евро маош таклиф қилишга тайёр. «ПСЖ» билан шартномаси тугаш вақтида Месси 36 ёшда бўлади.

Фото: championat.com