Илон Маск Twitterда модераторлар кенгаши ташкил этилганини эълон қилди

ASTANA. Kazinform – Twitter ижтимоий тармоғи раҳбарияти «контентни модерацияси» бўйича махсус кенгаш тузди, деб эълон қилди 28 октябр куни компаниянинг янги эгаси Илон Маск. Бу ҳақда Kazinform dw.comга таяниб хабар беради.

«Twitter турли қарашларга эга контентни бошқариш кенгашини тузди.Ушбу кенгаш йиғилгунга қадар ҳисобни сақлаш ёки тиклаш бўйича муҳим қарорлар қабул қилинмайди», - деди Маск.

У кенгаш аъзолари ва уларнинг ваколатлари ҳақида қўшимча маълумот бермади.

Bloomberg агентлиги маълумотларига кўра, Маск Twitterни сотиб олгач, бошқа нарсалар қаторида ижтимоий тармоқ фойдаланувчиларини умрбод блокировка қилишдан воз кечишни режалаштирмоқда. Бундай тақиқ 2021 йил январида Капитолий биносида тартибсизликлар уюштирганидан сўнг аккаунти блокланган АҚШнинг собиқ президенти Дональд Трампга нисбатан қўйилган эди.

Маск аввалроқ ижтимоий тармоқни пул учун эмас, балки «ўзи севган инсониятга ёрдам бериш» учун сотиб олишга қарор қилганини айтган эди.

Эслатиб ўтамиз, аввалроқ И. Маск бу ижтимоий тармоқни 44 миллиард долларга сотиб олганини ёзган эдик.

Фото: enavabharat.com