Хитойнинг бир қанча мегаполисларида коронавирус билан касалланиш ҳолатлари кўпайганлиги сабабли локдаун жорий этилмоқда
Пневмониянинг олдини олиш ва унга қарши курашиш штабидан маълум қилишларича, маҳаллий ҳокимият ва давлат муассасалари масофавий форматга ўтмоқда. Мегаполис ҳаётини таъминловчи корхоналар (сув таъминоти, электр энергияси ва бошқалар) бундан мустасно, ишлаб чиқариш фаолиятини тўхтатади. Барча савдо корхоналари (супермаркетлар, дорихоналар, тиббий муассасалар ва тезкор етказиб бериш хизматларини кўрсатувчи умумий овқатланиш корхоналаридан ташқари) ёпилади, шаҳар жамоат транспорти бутунлай тўхтатилади, Шэньчжэнь жамоат жойлари ва саноат парклари ҳам ёпилади.
Шаҳар маъмурияти коронавирус туфайли шаҳар бўйлаб уч босқичли синовини эълон қилади. Юқоридаги чоралар 14 мартдан бошлаб жорий қилинган ва бир ҳафта давомида амал қилади.
Шанхай шаҳрида 14 мартдан бошлаб барча йўловчи автовокзаллари ўз фаолиятини тўхтатди. Пойтахтдаги бир қатор кўп тармоқли шифохоналар аҳолига айрим амбулатор тиббий хизматлар кўрсатишни тўхтатди. Душанба кунидан бошлаб стоматологик клиникаларга боришни режалаштираётган барча беморлар коронавирус учун ПЗР тестини манфий топширишлари керак.
Цзилинь шаҳрида (шимоли-шарқий Хитойнинг худди шу номдаги Цзилинь провинцияси) зудлик билан ўн минг ўринли қўшимча касалхоналар қурилмоқда.
Аввалроқ, 9 миллион аҳолиси бор Чанчунь шаҳрида (шимоли-шарқий Цзилинь провинциясининг маъмурий маркази) тўлиқ локдаун жорий этилган эди.
Маҳаллий ОАВ хабарларига кўра, Гонконгнинг Гонконг махсус маъмурий ҳудудида ҳозирда коронавирус билан касалланган 300 мингга яқин одам ва уларнинг яқинлари уй карантинида. Охирги 24 соат ичида Гонконгда CОVID-19 инфекциясининг 32 мингдан ортиқ янги ҳолатлари қайд этилди.
Материк Хитойда ўтган кун давомида 1938 та тасдиқланган коронавирус инфекцияси ҳолати аниқланди, бу 2020 йил февралидан бери кунлик энг юқори кўрсаткичдир. Материк Хитойда пандемия бошланганидан бери жами 115,000 дан ортиқ тасдиқланган коронавирус инфекцияси аниқланган, вафот этганлар сони 4,636 нафарни ташкил этмоқда.
Муаллиф: Руслан Сулейменов
