Хавьер Милей Аргентина президенти вазифасини бажаришга киришди
Хавьер Милей кеча Аргентина президенти вазифасини бажаришга киришди. Инаугурация маросими 10 декабрь, якшанба куни Буэнос-Айресдаги Конгресс биносида бўлиб ўтди. Қасамёддан сўнг, истеъфога чиққан давлат раҳбари Альберто Фернандес Милейга президент тасмаси ва таёқчасини топширди, деб хабар беради Kazinform агентлиги Euronewsга таяниб.
Милейнинг залдаги тарафдорлари уни баланд овозда “Озодлик” деган ҳайқириқлар билан кутиб олишди.
Янги президент анъанани бузди ва инаугурация нутқини йиғилган депутатлар олдида эмас, балки парламент биноси олдида ўз сайловчилари олдида айтди.
Аргентина етакчиси ғазнада пул йўқлиги ва курс ўзгариши, хусусан, зудлик билан харажатларни қисқартириш мамлакатни ларзага солиши ҳақида огоҳлантирди.
Маросимда Украина президенти Владимир Зеленский, қирол Фелипе VI ва бутун дунёдан ўта ўнгчи сиёсатчилар, жумладан, Венгрия Бош вазири Виктор Орбан, Испаниянинг Vox партияси раҳбари Сантьяго Абаскаля ва Бразилиянинг собиқ президенти Жаир Болсонаро иштирок этди.
Бразилия президенти Лула да Силва ва Мексика президенти Лопес Обрадор каби сўл етакчилар Буэнос-Айресга ташриф буюришмади.
Эслатиб ўтамиз, аввалроқ Аргентинада ўтган президентлик сайловларининг иккинчи босқичида фаворит ҳисобланмаган ўта ўнгчи сиёсатчи Хавьер Милей кутилмаганда 56 фоиздан кўпроқ овоз олгани ҳақида хабар берган эдик.
