Гондурас 20 минг ўринли қамоқхона қуришни режалаштирмоқда

ASTANA. Kazinform – Гондурас президенти 20 минг ўринли янги “мега-қамоқхона” қурилишини маълум қилди. Бу чора ҳукумат томонидан узоқ вақтдан бери муҳокама қилинаётган қамоқхона тизимини ислоҳ қилиш ва зўравонликларга қарши кураш доирасида амалга оширилган.

Президент Ксиомара Кастро шанба куни эрталаб миллий телевидение орқали мурожаатида фавқулодда чоралар рўйхатини эълон қилди.

У ерда уюшган жиноятчиликка қарши курашишда Қуролли Кучлар ролини кучайтириш, наркотик моддаларнинг ноқонуний савдосига қарши курашиш муддатларини тартибга солиш борасидаги ишлар ҳақида сўз юритилди.

Кастронинг “мега-қамоқхона” қуриш ғояси президент Наиб Букеленинг қўшни Сальвадордаги ҳаракатларига жавоб сифатида кўрилмоқда.

Эслатиб ўтамиз, Лотин Америкасидаги энг йирик қамоқхона Сальвадорда қурилган. У 40 минг жиноятчини ҳибсга олиши мумкин.

Кастро ўз нутқида Гондурас хавфсизлик кучлари мамлакатнинг барча ҳудудларида кенг тарқалган жинойи гуруҳлар (банда) зўравонлиги, гиёҳванд моддалар савдоси ва бошқа жиноятларни камайтириш учун қўлларидан келганча ҳаракат қилишлари кераклигини таъкидлади.

Шу тариқа, Оланчо қишлоғи яқинида қуриладиган қамоқхонада 20 минг нафар энг хавфли жиноятчиларни сақлаш режалаштирилган.

Эслатиб ўтамиз, аввалроқ Гондурасдаги аёллар қамоқхонасидаги тартибсизликлар оқибатида 41 киши ҳалок бўлгани ҳақида ёзган эдик.