Голландияда юк машинаси бир гуруҳ одамларни босиб кетди

NUR-SULTAN. Kazinform – Нидерландия жанубидаги Ньив-Бейерланд қишлоғида юк машинаси камида уч кишини босиб кетди, дея хабар беради Kazinform.

Бу ҳақда МИР24 телеканали Нидерландия радиоэшиттириш (NOS) корпорациясига таяниб хабар берди.

Испания транспорт компаниясига тегишли юк машинаси йўлдан чиқиб кетди ва ташқарида барбекю тайёрлаётган одамларни босиб кетди.

Полиция маълумотларига кўра, ҳодиса оқибатида камида уч киши ҳалок бўлган, яна бир неча киши жароҳатланган. Юк машинаси ҳайдовчиси жабрланмаган. У полиция томонидан ҳибсга олинди.

Фото: mir24.tv