Германия Президенти эртага Ақтауга ташриф буюради
Учрашувда ҚР Президенти инсон капитали соҳасидаги ҳамкорлик муҳим йўналишлардан бири эканини алоҳида таъкидлади.
«Таълим, малака ошириш ва билимларни узатиш муҳим соҳалар ҳисобланади. Бу соҳаларни ўзлаштирмасдан туриб рақобатбардош бўлиш мумкин эмас. Шу билан бирга, эртага жаноб Штайнмайернинг Ақтауга ташрифи чоғида Каспий давлат университети ёнида Қозоғистон-Германия муҳандислик институти очилишини олқишлайман», – деди Қасим-Жомарт Тоқаев.
Бундан ташқари, Шарқий Қозоғистон техника университети қошидаги Қозоғистон-Германия фан ва технология институти ушбу муҳим саноат минтақасида инсон капитали ва рақобатбардошлигини янада оширишга ҳисса қўшаётганини айтди.
«Бу институтлар қайта тикланадиган технологиялар учун зарур бўлган илғор логистика, яшил водород ва минерал қазиб олиш каби муҳим йўналишлар бўйича мутахассислар тайёрлайди. Битирувчилар бир вақтнинг ўзида Қозоғистон ва Германия дипломларини олади. Бу икки давлат шериклигининг яна бир муҳим босқичи. Умид қиламизки, бўлажак битирувчиларни иш билан таъминловчи немис ишбилармонлари мамлакатимизда ўзларини эркин ҳис қилади», – деди ҚР Президенти.
