Габриэл Борич Чили тарихидаги энг ёш президентга айланди

SANTYAGO. Kazinform – Габриэл Борич Чили тарихидаги энг ёш президентга айланди. «Мен шарафни маъқуллайман» коалициясининг 35 ёшли номзоди иккинчи турда 55,87 фоиз овоз тўплади, деб хабар беради Kazinform euronews.comга таяниб.

Сиёсатга талабалар ҳаракатидан келган Боричнинг сайловолди ваъдаларидан бири ижтимоий тенгсизликка қарши кураш эди. У бойлик солиғини жорий этиш ва хусусий пенсия жамғармаси тизимидан воз кечишни таклиф қилди.

«Мен ўзимни, бизнинг лойиҳамиз каби, адолат, демократияни кенгайтириш, инсон ҳуқуқларини ҳимоя қилиш, озодлик учун курашганларнинг узоқ тарихи ворисидек ҳис қиламан. Мен бу катта оилани яна бирга кўришни истайман, чунки бу босқич янги тарихий даврнинг бошланишини англатади», - деди Габриэл Борич.

Боричнинг рақиби, ультраконсерватив сиёсатчи Хосе Антонио Каст 45 фоиздан кам овоз тўплаган.