Футбол: Эрон сўнгги дақиқаларда Уэльсни мағлуб этди

ASTANA. Кazinform – Қатарда бўлиб ўтаётган жаҳон чемпионатининг 2-тури В гуруҳидан ўрин олган Уэльс – Эрон учрашуви билан бошланди, деб хабар беради Kazinform мухбири.

Гуруҳ баҳсларининг биринчи турида Уэльс АҚШ билан дуранг ўйнаган бўлса, Осиё рейтингида пешқадамлик қилаётган Эрон Англиядан йирик (2:6) ҳисобида мағлуб бўлди.

Иккала жамоага ҳам очко кераклиги аниқ. Роб Пейжнинг Уэльс терма жамоаси Англияга қарши сўнгги ўйинини ўтказиб, Эрондан уч очко олиб кетишга ҳаракат қилади. Биринчи учрашувда мухлисларини ерга қаратган эронликларнинг чекинадиган жойи қолмади. Шу боис бўлса керак, португалиялик мутахассис Карлуш Кейруш Меҳди Таремининг ҳужум чизиғига Россия чемпионатида тўп сурган Сердар Азмунни қўшиб олди.

Беллашувни жуда эрта бошлаган эронликлар 15-дақиқада гол уришди. Аммо гол ҳисобланмади, чунки Али Голизаде ўйиндан ташқари ҳолатда эди.

Иккинчи бўлимда, 51-дақиқада С.Азмун ва А.Голизаде томонидан тепилган тўп дарвоза доирасидан чиқиб кетди. Балки бу омадсизлик дегани. Уэльслик дарвозабон Уейн Хеннесси бир неча бор эронликларнинг зарбасини қайтарди. 84-дақиқада У.Хеннесси олдинга ўтишга уринган М.Таремига қарши ўйин тартибини қўпол равишда бузгани учун майдондан четлатилди. Бу жорий йилги чемпионатда футболчига кўрсатилган биринчи қизил карточка бўлди.

Қўшимча бўлимнинг 9-дақиқасида иккинчи бўлимда майдонга қўшилган Рузбе Чешми узоқдан тўпни дарвоза бурчагидан тепди - 1:0. Кейин М. Таремидан пас олган Рамин Резаеян гол урди.

Шу тариқа, шиддатли баҳсда Эрон 2:0 ҳисобида зафар қучди. Эронда уч очко бор, Уэльсда эса бир очко бор.

Бугун ушбу гуруҳда Англия - АҚШ жамоалари ким кучли эканини аниқлайди.

Муаллиф: Ғайсағали Сейтақ