Францияда кунлик коронавирус юқтириш кўрсатгичи бўйича янги антирекорд ўрнатилди

Миллий соғлиқни сақлаш бошқармаси бошлиғининг сўзларига кўра, баҳорда, касаллик авж олган пайтларда, бир кунда касалланганлар сони 8000 дан ошмаганди.
Европада коронавирус билан касалланганлар сони бўйича Франция биринчи ўринда туради. Мамлакатда 1,6 миллион киши касалланган. Ўтказилаётган тестларнинг 20%и мусбат натижа кўрсатмоқда.
Биргина шу ҳафтанинг дастлабки уч кунида мамлакатда коронавирусдан 1600 дан ортиқ одам вафот этди. 130 минг киши касалланган. Касалхоналарда иш ҳажми ҳам ошди. Бир ҳафта олдин Францияда қайта жорий қилинган карантин чоралари самара бермаяпти.
Соғлиқни сақлаш вазири Оливье Вераннинг айтишича, энг ёмон аҳвол Овернь-Рона-Альп минтақасида кузатилмоқда. Ушбу минтақадаги беморлар бошқа минтақаларга етказилмоқда, чунки бу минтақада касалхоналарда бўш жой қолмаган.