Францияда коронавирусга қарши вакцина билан эмлаш суст

PARIJ. Kazinform – Францияда коронавирусга қарши вакцина билан эмлаш дастлабки беш кунида 45 мингга яқин одам эмланди. Ушбу маълумотни Соғлиқни сақлаш вазири Оливье Веран тақдим этди. Расмий статистик маълумотларга кўра, вакцина билан эмлаш қизғин давом этмоқда, аммо бу ҳукумат томонидан режалаштирилганидан анча паст, дея хабар беради Kazinform Еuronewsга асосланиб.

Шифокорлар вакцина билан эмлаш яхши ўтмаётганидан хавотирда. Бу COVID-19 инфекциясининг кўпайишига ва ҳатто кўпроқ ўлимга олиб келиши мумкин.

«Йўқотилган ҳар бир ҳафта – бу касалхонага ётқизиш, тиббий ёрдамисиз одамлар сонининг кўпайиши, соғлиқни сақлаш тизимининг ҳаддан ташқари юкланиши, шунингдек, локдаун, ёпиқ ресторан ва барлар ... Вакцина – бу инқироздан чиқиш йўлидир. Бироқ, таклиф қилинган жадвалнинг суръати суст, биз бу жараённи тезлаштиришимиз керак ... Ҳозирги суръатда, жамоавий иммунитетга эга бўлишимиз учун бир неча ой, балки йиллар керак бўлади. Вирус тарқалишини тўхтатиш учун иложи борича кўпроқ одамни вакцина билан эмлаш керак», - деди терапевт Жимми Моамед.

Ҳукумат ой охирига қадар миллионлаб одамларни коронавирусга қарши вакцина билан эмлашни тезлаштиришга ваъда берди. Соғлиқни сақлаш вазирлиги дастлаб 50 ёшдан ошган ёки асоратлар хавфи юқори бўлган барча тиббиёт ходимларини биринчи вакцинанинг икки дозасидан бири билан таъминлашни режалаштирмоқда.

Социологларнинг фикрига кўра, жамиятда ишончсизлик билан боғлиқ муаммолар бўлиши мумкин. Яқинда ўтказилган бир тадқиқотга кўра, французларнинг тахминан 45% коронавирусга қарши эмлашни хоҳламайдилар.