Ёзги Универсиада: Қозоғистон медаллар жадвалида 14-ўринга кўтарилди

None
ASTANA. Kazinform – Хитойнинг Чэнду шаҳрида бўлиб ўтаётган ХХХІ ёзги Универсиадада дзюдочи Сунғат Жубатқан бронза медалини қўлга киритгач, Қозоғистон медаллар жадвалида 14-ўринга кўтарилди, деб хабар беради Kazinform мухбири.

Қозоғистонлик спортчи бронза медали учун кечган жангда ўзбекистонлик Абдураҳим Нутфуллоевни мағлуб этди.

Мусобақа давомида С.Жубатқан Венгрия, Туркманистон, Озарбайжон полвонларини лол қолдирди. Фақат ярим финалда у япониялик спортчига йўл бериб, бронза медали учун курашиш имкониятини қўлга киритди.

Медаллар жадвалида Япония 8 та (4 та олтин, 3 та кумуш, 1 та бронза медаллар) соврин билан пешқадамлик қиляпти.

Кейинги ўринларда Хитой (4-2-2) ва Жанубий Корея (4-2-2) келяпти.

Қозоғистон эса битта бронза медали билан Франция, Германия, Макао, Малайзия, Туркия, Ўзбекистон ва Вьетнам терма жамоалари билан 14-ўринни бўлишиб турибди.

Универсиада 28 июлдан 8 августга қадар бўлиб ўтади. Унда 90 нафар қозоғистонлик спортнинг 10 тури бўйича баҳс олиб боради.

Муаллиф: Адилжан Умбет


Сўнгги хабарлар