Европада яна Қуръон ёқиб юборилди, бу сафар мусулмон йигит шундай ҳаракатга қўл урган

STOCKHOLM. Kazinform – Швеция пойтахтида яна Қуръон ёқиб юборилди. Бу сафар демарш ташкилотчиси ироқлик мусулмон бўлди, деб хабар беради Kazinform Euronewsга таяниб.
None
Фото: islamdag.ru

Стокгольмдаги Катта масжид олдида Қуръонни ёқишга полиция рухсат берган.

Унинг ташкилотчиси бир неча ҳафта олдин ҳуқуқ-тартибот идораларига шикоят қилган. Охир-оқибат, унга имконият берилган.

Бундан ташқари, Ироқдан келган 37 ёшли мусулмон қочқин Салван Момика ультраўнг оқимлар вакили эмас.

У бир гуруҳ ҳуқуқ-тартибот ходимлари ва 200 га яқин ўткинчиларнинг кўз ўнгида мусулмонларнинг муқаддас китоби нусхасини ёқиб юборди.

Умуман олганда, кўпчилик унинг ҳаракатларини қўллаб-қувватламади.

«Бундай нарсаларга кўз юмиб, чидаш керак эмас, бундай ҳолатларга чек қўйиш вақти келди. Бировни ҳақорат қилиш яхши эмас», «Сўз эркинлиги, албатта, жуда муҳим, лекин диний китобни ёқиш сўз эркинлиги эмас, бу мутлақо бошқа нарса, унинг ҳаракатларини провокацион деб биламан», – дейишди кўпчилик аҳоли.

Акция ташкилотчиси ўзининг иккинчи ватани Швеция обрўсига путур етказишни истамаслигини қайта-қайта таъкидлаб, Қуръонни ўз сабаблари билан ёқиб юбораётганини айтди.

Баъзи маълумотларга кўра, у ҳатто Швециянинг НАТОга кириш жараёни тугашини кутмоқчи бўлган.

Туркия бу жараённи кечиктирмоқда.

Шу йилнинг январь ойида даниялик Расмус Палудан Туркиянинг Стокгольмдаги элчихонаси олдида Қуръонни ёқиб юборгандан кейин Туркия ўз позициясини янада мустаҳкамлаган эди.

Сўнгги хабарлар