Европада ультрабинафша индекси йилига 1-2% га ўсмоқда
ASTANА. Кazinform — Германиянинг Радиациядан ҳимоя қилиш федерал идораси (BfS) 2013–2022 йиллардаги Европада ультрабинафша индексининг ўсиши бўйича тадқиқот натижаларини эълон қилди. Бу ҳақда DW ёзган.
Бу даврда ультрабинафша индекси ўртача 10–20% га, яъни йилига тахминан 1,2% га ошди. Ультрабинафша нурланиш даражаси, айниқса, Германия, Нидерландия, Буюк Британия ва Словакияда сезиларли даражада ошди.
Идоранинг DWга хабар қилишича, ультрабинафша индекси Шарқий Европада ҳам ўсмоқда, аммо секинроқ суръатларда. Ғарбий Европада бўлгани каби, бу ҳодиса булут қопламининг пасайиши билан боғлиқ бўлиши мумкин.
Болтиқбўйи мамлакатларида ва ундан шарқда ультрабинафша индексининг ўсиши сезиларли даражада кузатилмаяпти. Бунинг сабаби, бу минтақаларда ҳали ҳам кўп булутли кунлар бор.
Москвада ультрабинафша индекси йилига тахминан 0,8% га ўсмоқда. Немис олимлари буни "статистик жиҳатдан аҳамиятли ўсиш" деб баҳоламоқда. Бироқ, бу ўзгариш ҳақиқий булут қопламининг камайиши ёки бошқа омиллар билан боғлиқми ёки йўқлигини аниқлаш ҳали мумкин эмас.
BfS мутахассислари одамларни узоқ вақт давомида тўғридан-тўғри қуёш нурларидан сақланиш ва қуёшдан ҳимояланиш учун иложи борича сояда қолишга чақирмоқда. Бу қуёш ёнишининг олдини олишга ёрдам беради.
Шуни таъкидлаш жоизки, 12 август куни бир нечта мамлакатлар аҳолиси ноёб ҳодиса — тўлиқ қуёш тутилишига гувоҳ бўлишди. Ой Қуёшни тўлиқ қоплаб, кундузги осмонни бир неча дақиқага қоронғилаштирди. Бу астрономик ҳодиса йилнинг асосий самовий ҳодисаларидан бири бўлади ва Персеид метеор ёмғирининг чўққисига тўғри келади.
