Еврокомиссия ва Европарламент Европадаги уй-жой инқирозини ҳал қилиш учун кучларни бирлаштиради
24 март, душанба куни Еврокомиссия ва Европарламент Брюсселда манфаатдор томонлар ва ҳукуматнинг турли даражадаги вакилларини бирлаштирган ҳолда арзон уй-жой сиёсати бўйича мулоқотни бошлаш учун қўшма конференция ўтказади, деб хабар беради Kazinform агентлиги мухбири.
Конференцияни энергия ва уй-жой масалалари бўйича комиссар Дэн Йоргенсен ва Европа парламентининг Европа Иттифоқидаги уй-жой инқирози бўйича махсус қўмитаси раиси Ирене Тинагли очади. Олий даражадаги учрашувнинг очилиши Европа институтлари вакиллари ва тегишли манфаатдор томонлар билан муҳокамалар тарзида давом этади.
Қиммат уй-жой бутун Европа бўйлаб миллионлаб оилалар ва ёшларга салбий таъсир кўрсатиб келяпти.
Бу вазиятга жавобан Европа Комиссияси арзонуй-жой режасини ишлаб чиқяпти.Ушбу долзарб масалани ҳал этишда барча манфаатдор томонлар иштирок этишини таъминлаш учун Комиссия бошқа Европа Иттифоқи институтлари, аъзо давлатлар, ҳудудлар, шаҳарлар, молия институтлари, қурилиш сектори, фуқаролик жамияти ташкилотлари, ёшлар вакиллари ва бошқа асосий манфаатдор томонлар билан мулоқотни кучайтиради.
