ЕURО-2024: Қозоғистон - Сан-Марино учрашувига ҳакамлар тайинланди
Футбол бўйича 2024 йилги Европа чемпионати саралаш босқичи доирасидаги Қозоғистон – Сан-Марино учрашувига ҳакамлар тайинланди, деб хабар беради Kazinform.
Терма жамоа 8 ўйиндан кейин 15 очко билан H гуруҳида учинчи ўринда бормоқда.
Дастлабки икки ўринни эгаллаб турган Словения ва Дания терма жамоаларида 19 очко бор.
Ушбу учрашувда бош ҳакам Харальд Лехнер бўлади.
Унга ҳамюртлари Андреас Хайденрайх ва Стефан Пихлер ёрдам беришади.
Ёрдамчи ҳакам ҳам австриялик Себастьян Гишамер.
Учрашув 17 ноябрь куни Астана вақти билан соат 21:00да “Астана-Арена” стадионида бошланади ва «Qazaqstan» ва «Qazsport» телеканаллари орқали жонли эфирда намойиш этилади.
Кейинги икки ўйинда ғалаба қозонган тақдирда Қозоғистон терма жамоаси қитъа мусобақасининг финал босқичига йўлланма олиш имкониятига эга.
Қозоғистонлик футболчилар саралаш босқичининг илк ўйинида ўз майдонида Сан-Маринони 3:0 ҳисобида мағлуб этишган эди.
Муаллиф: Адилжан Умбет
