Эрон вице-президенти истеъфога чиқиш ҳақида ариза берди
ASTANA. Kazinform – Эрон вице-президенти Зарифнинг истеъфоси иқтисодиёт вазири Абдулносир Ҳемматийга импичмент эълон қилинганидан сўнг бўлди, деб ёзади Anadolu.
Эроннинг стратегик масалалар бўйича вице-президенти Муҳаммад Жавод Зариф истеъфога чиқиш ҳақида ариза берди.
Эроннинг расмий ИРНА ахборот агентлигининг хабар беришича, Зарифнинг истеъфоси Иқтисодиёт вазири Абдулносир Ҳемматийнинг импичменти ортидан содир бўлган.
Ҳемматий мамлакатнинг иқтисодий муаммоларини ҳал қила олмаганликда айбланган.
Қайд этилишича, Эрон президенти Масуд Пезешкиан ҳалигача Зарифнинг истеъфоси ҳақидаги баёнотига жавоб бермаган.
2013-2021 йилларда Эрон ташқи ишлар вазири лавозимида ишлаган Зариф 2015 йилги ядровий келишув лойиҳасини тузганлардан бири эди.
Август ойида президент Пезешкиан Зарифни стратегик масалалар бўйича вице-президент этиб тайинлаган эди.
Ўта консерватив гуруҳларнинг танқидига учраган Зариф август ойида ҳукумат парламентда ишонч овозини қўлга киритгандан сўнг истеъфога чиқишига шама қилган, бироқ шундан сўнг ўз вазифасини қайта бошлаган.
Зариф Швейцариянинг Давос шаҳрида бўлиб ўтган Жаҳон Иқтисодий Форумида ҳижоб таъқиқи ва ХАМАС билан алоқалар ҳақида айтган сўзлари учун Эроннинг ўта консерватив гуруҳлари томонидан ҳам танқид қилинди.
