Эрон Уммон кўрфазида АҚШнинг нефть танкерини қўлга олди

Пайшанба куни эрталаб Уммон денгизида Эрон Ислом Республикаси ҳарбий-денгиз кучлари томонидан Америка нефть танкери қўлга олинди. Нефть ташувчи танкер Эрон портларига йўл олди, дея хабар беради Каzinform агентлиги IRNAга таяниб.

Эрон расмийларига кўра, Америка нефть танкери "2023 йилда Америка Қўшма Штатлари томонидан Эрон нефтининг ўғирланишига жавобан" суд қарори билан ҳибсга олинган.

АҚШ Адлия вазирлиги 2023 йил 8 сентябрь куни Маршалл ороллари байроғи остидаги Эроннинг Suez Rajan номли нефть танкери ва унинг 980 минг баррель хом нефт юкини қўлга олганини тасдиқлади.

Вазирликнинг иддао қилишича, Suez Rajan апрель ойида Вашингтоннинг Теҳронга қарши санкцияларини бузган ҳолда Эрон нефтини Хитойга етказган.