Ерда магнит бўрони бошланди

ASTANA. Kazinform - Ерда магнит бўрони бошланди, унинг фаоллиги куннинг иккинчи ярмида бўлиши кутилмоқда. Бу ҳақда ТАССга  «Фобос» маркази етакчи мутахассиси Михаил Леус маълум қилди, дея хабар беради Kazinform.

- Магнит бўрони аллақачон бошланган. Чўққиси бугун куннинг иккинчи ярмида Москва вақти билан 15:00 дан 18:00 гача (Астана вақти билан 17:00 дан 20:00 гача - таҳр.) бўлади.

Июнь ойининг охирида олимлар Ернинг магнит майдонидаги бузилишни қайд этишди ва бу жуда кучли даражага етди.

Май ойи бошида 2005 йилдан бери Ердаги энг узун ва энг кучли магнит бўрони кузатилган бўлиб, у 11 майга ўтар кечаси G5нинг экстремал қувват даражасига етган.

Қуёш чақнашлари рентген нурланишининг кучига қараб бешта синфга бўлинади: A, B, C, M ва X. Минимал А0.0 класси Ер орбитасидаги 1 кв м учун 10 нВт радиация қувватига тўғри келади. Кейинги ҳарфга ўтишда қувват 10 баробар ортади. Чақнашлар одатда қуёш плазмасининг эмиссияси билан бирга келади, булутлари Ерга етиб келиб, магнит бўронларини қўзғатиши мумкин.

ТАSS ҳамкор агентлиги томонидан Кazinform учун махсус тақдим этилган.