ЕОИИни ривожлантириш стратегиясининг сифатли ва тезкор равишда амалга оширилиши муҳим – ҚР Президенти

NUR-SULTAN. Kazinform – Евросиё иқтисодий иттифоқини ривожлантириш стратегиясини сифатли ва тезкор амалга оширилишини таъминлаш муҳим аҳамиятга эга. Бу ҳақда Қозоғистон Президенти Қасим-Жомарт Тоқаев Олий Евроосиё иқтисодий кенгаши йиғилишида айтиб ўтди, деб хабар беради Kazinform мухбири.

«Қозоғистоннинг Евроосиё иқтисодий иттифоқига раислиги муносабати билан менинг Мурожаатимда интеграциямизни ривожлантиришнинг 5 устувор йўналиши белгиланган. Улар иқтисодий интеграцияни ривожлантириш стратегиясининг мақсад ва вазифалари билан чамбарчас боғлиқ ва бугунги кун талабларига жавоб беради. Биз иттифоқимиз тарихидаги биринчи стратегик ҳужжатни амалга оширишни бошладик», - деди Қозоғистон Президенти.

Давлат раҳбари ушбу стратегия қисқа муддатда иқтисодиётнинг барча соҳаларида интеграция ва ўзаро ҳамкорлик ва халқаро ҳамкорликнинг устувор йўналишларини белгилаб берганини таъкидлади.

«Шу сабабли, Иттифоқни ривожлантириш стратегиясини сифатли ва тезкор бажарилишини таъминлаш муҳим аҳамиятга эга. Албатта, бу бизга боғлиқ», - деди Қасим-Жомарт Тоқаев.

Муаллиф: Марлан Жиембай