Энергетика вазири Қозоғистоннинг шимолий ва шарқий ҳудудларига қачон газ етиб боришини айтди
«Россия билан келишувга эришиб, музокаралар якунлангандан кейин икки йил ичида газ бу ҳудудларга етиб боради. Бу газ тақсимлаш масалаларини ўз ичига олмайди. Биринчи магистрал газ қувурини етказиб берамиз. Бундан ташқари, туманлар ва аҳоли пунктлари ўртасида газ тақсимловчи қувурларни қуриш зарур. Бу бироз вақт олади», - деди вазир.
Вазирнинг сўзларига кўра, ушбу ҳудудларга газни тўлиқ жалб қилиш учун камида 5 йил керак бўлади.
«Шимолий ва шарқий ҳудудларни газ билан таъминлаш учун 5 йил керак бўлади. Чунки магистрал газ қувури келган тақдирда ҳам тақсимловчи қувурларни қуриш долзарб масала ҳисобланади. Бунга тайёргарлик кўриш, шаҳар ва аҳоли пунктларини қўшимча қувурлар билан жиҳозлаш зарур. Яъни, унинг иши кўп. Шунинг учун бу 5 йилдан ортиқ вақтни олади», - деди вазир.
Муаллиф: Есимжан Нақтибай
