Елена Рибакина Ролан Гаррос турнирининг учинчи босқичига чиқди

None
Фото: ktf.kz
ASTANA. Kazinform – Қозоғистоннинг биринчи ва дунёнинг 4-ракеткаси Елена Рибакина «Ролан Гаррос» турнирининг учинчи босқичига чиқди, деб хабар беради Kazinform мухбири.

Қозоғистонлик теннисчи иккинчи даврада дунёнинг 50-ракеткаси, 18 ёшли чехиялик Линда Носкова билан куч синашди.

Бу уларнинг кортдаги биринчи учрашуви эди.

Е.Рибакина учрашувни брейк билан бошлаб, 3:1 ҳисобида олдинга чиқиб олди. Кейин эса баҳсли ўйинда у сетни навбатдаги брейк билан якунлади - 6:3.

Иккинчи партияда ҳисоб 4:3 бўлиб турганида қозоғистонлик спортчи брейк қилишга муваффақ бўлди - 6:3.

Бир соату 26 дақиқа давом этган мусобақа давомида Елена 5 та эйс амалга оширди ва 10 та брейк-пойнтдан учтасини қайд этди. Рақиб 2 та эйс амалга оширган бўлсада, брейк ололмади.

Елена Рибакина тўртинчи босқичга чиқиш учун дунёнинг 38-ракеткаси хорватиялик Петра Мартич ёки дунёнинг 132-ракеткаси испаниялик Сара Соррибес-Тормо билан рақобатлашади.

Муаллиф: Ғайсағали Сейтақ


Сўнгги хабарлар
telegram