Елена Рибакина Абу-Дабида "Катта дубулға" турнирининг тўрт карра чемпионига дуч келиши мумкин
ASTANА. Кazinform - 5—11 февраль кунлари бўлиб ўтадиган Абу-Даби WТА 500 турнирида Қозоғистоннинг биринчи, дунёнинг 5-ракеткаси Елена Рибакина иштирок этади.

Мусобақанинг биринчи ракеткаси сифатида рўйхатдан ўтган қозоғистонлик теннисчи баҳсни иккинчи даврадан бошлайди.
Е.Рибакина иккинчи босқичда “Катта дубулға” турнирининг тўрт карра турнир ғолиби япониялик Наоми Осака ёки дунёнинг 71-ракеткаси америкалик Даниэль Коллинз билан учрашади.
Бир пайтлар жаҳон рейтингида пешқадам бўлиб, ҳозирда 758-ўринни эгаллаб турган Н.Осака фарзандли бўлгани сабабли танаффусдан сўнг кортга қайтди. Д. Коллинз ҳам осон чақиладиган ёнғоқ эмас.
Жаҳоннинг 6-ракеткаси тунислик теннисчи Онс Жабер мазкур мусобақада иккинчи ракетка сифатида қайд этилди.
Бугун янгиланган Аёллар теннис ассоциацияси (WТА) рейтингида кучли учлик – Польша вакили Ига Швентек, беларуслик Арина Соболенко ва америкалик Кори Гауфф ўзгармади.
Елена Рибакина 5-ўринда қолди, Юлия Путинцева эса 70 ўриндан 69 ўринга кўтарилди.
Жуфтлик баҳсларида бельгиялик Элизе Мертенс, тайпейлик Се Шувэй ва австралиялик Сторм Хантер пешқадамлик қилаётган бўлса, қозоғистонлик Анна Данилина ҳамон 44-ўринни эгаллаб турибди. Жибек Қуламбаева 142-ўриндан 143-ўринга, Е.Рибакина 361-ўриндан 363-ўринга тушиб кетди. Ю.Путинцева 354-ўринни сақлаб қолди.
Эслатиб ўтамиз, аввалроқ Александр Бублик иккинчи бор Монпелье турнири ғолибига айлангани ҳақида хабар берган эдик.
Муаллиф: Ғайсағали Сейтақ