Дональд Трамп 15 минг трансгендер аскарни АҚШ армиясидан чиқариб юборади

ASTANA. Kazinform – АҚШнинг сайланган президенти Доналд Трамп барча трансгендер хизматчиларни мамлакат қуролли кучлари сафидан четлаштиришни талаб қилувчи фармон чиқармоқчи. Бу ҳақда The Times хабар берди.

Ҳарбий хизматчилар сафида 15 мингга яқин трансгендерлар мавжуд бўлиб, улар тиббий сабабларга кўра хизматга яроқсиз деб ҳисобдан чиқарилиши мумкин.

Аввалроқ Дональд Трамп баъзи юқори мартабали зобитлар жанговар режалардан кўра кўпинча хилма-хиллик, тенглик ва инклюзивликка кўпроқ қизиқишларини айтган эди.

Бундай тақиқ президент Трампнинг президентлик давридаги биринчи муддатида ҳам қабул қилинган, аммо хизмат қилаётганларга ҳарбий фаолиятини давом эттиришга рухсат берган. Янги фармон ҳатто қуролли кучларда мартаба қуришга муваффақ бўлганларни ҳам ишдан бўшатишни таклиф қилади.

Пентагон маълумотларига кўра, махфийлик сиёсати қарийб 1,3 миллион фаол ҳарбий хизматчилар орасидан трансгендерлар сонини ҳисоблашни қийинлаштиради.

“15 000 дан ортиқ қўшиннинг тўсатдан кетиши, айниқса ўтган йили ҳарбийлар 41 000 аскарни жалб қила олмагани сабабли, жанговар бўлинмалар зиммасига маъмурий юкни оширади, бўлинмалар бирлашиши қийинлашади ва кўникмалар бўйича танқидий камчиликларни кучайтиради”, – деди ЛГБТК+ ҳарбий хизматчилари ва фахрийлари учун кампания олиб борадиган Америка Замонавий Ҳарбий Уюшмаси ижрочи директори Рэйчел Бранаман.

Мудофаа вазири лавозимига Д.Трамп томонидан номзоди илгари сурилган П.Хегсет аллақачон армиядаги “заиф” ва “хотинчалиш” раҳбариятга қарши чиқиб, “кейинги бош қўмондон тартибни ўрнатиши керак”, деб таъкидлаган.