Дмитрий Попко Аргентинадаги мусобақанинг ярим финалига чиқди
ASTANА. Кazinform — Қозоғистонлик, дунёнинг 309-ракеткаси Дмитрий Попко Тукуман (Аргентина) ITF турнирининг ярим финалига йўл олди.

Мусобақанинг 3-ракеткаси сифатида қайд этилган қозоғистонлик теннисчи чорак финалда жаҳон рейтингида 609-ўринни эгаллаб турган боливиялик Хуан Карлос Прадо Анхело билан куч синашди.
Дмитрий Попко боливиялик теннисчидан 6:4, 6:3 ҳисобида устун келди.
Қозоғистонлик спортчининг ярим финалдаги рақиби кейинроқ аниқланади.
Шу тариқа, АҚШда ўтказилган олдинги учта ITF турнирини ҳисобга олган ҳолда, Дмитрий Попко кетма-кет 18 ўйинни фақат ғалаба билан якунлади.
Яна бир қозоғистонлик Михаил Кукушкиннинг ғалабали серияси 10 ўйинга етди. У Испаниядаги Тенерифе челленжер мусобақасининг ярим финалида 399-ўриндаги испаниялик Мартин Ландалусега қарши ўйнайди.
Натижада М.Кукушкин 165-ўриндан 156-ўринга, Д.Попко ATP Live рейтингида 309-ўриндан 276-ўринга кўтарилди.
Эслатиб ўтамиз, Александр Бублик биринчи марта жаҳон рейтингида ТОП-20 га киради.