Давлат раҳбари Олтин Ўрда меросига бағишланган тематик кўргазмани томоша қилди
ASTANА. Каzinform — Президент Қасим-Жомарт Тоқаев Олтин Ўрда тарихига оид археологик, ёзма ва маданий ёдгорликлар кўргазмасини томоша қилди. Бу ҳақда Ақорда матбуот хизмати хабар берди.
Давлат раҳбарига 70 та археологик ва меъморий ёдгорликларни ўз ичига олган интерактив харита, жумладан, 17 та объектнинг кенгайтирилган тавсифи, аэрофотосуратлар ва 3D визуализация намойиш этилди.
Кўргазмадаги асосий артефактлардан бири — бу давр ҳукмдорлари ва тарихий шахслар ҳақидаги генеалогик маълумотларни ўз ичига олган "Хонлар шажараси" қўлёзмаси.
Бундан ташқари, Каталон атласи, ёзма манбалар, тангалар ва уй-рўзғор буюмлари мавжуд. Ёзма ёдгорликлар орасида 3 та фармон, 4 та дипломатик хат ва 21 та қўлёзма асл ва электрон форматда тақдим этилган.
Кўргазманинг мақсади — Олтин Ўрда тарихий ва маданий меросини ҳар томонлама тарғиб қилиш ва унинг илмий тадқиқотлари кўламини кенгайтириш.
Эслатиб ўтамиз, Давлат раҳбари Қасим-Жомарт Тоқаев иштирокида пойтахтдаги Мустақиллик саройида “Олтин Ўрда — дашт цивилизацияси намунаси: тарих, археология, маданият, ўзига хослик” номли халқаро симпозиум бўлиб ўтди.
