Давлат раҳбари амалий ташриф билан Шимолий Қозоғистон вилоятига борди
ASTANА. Kazinform - Қасим-Жомарт Тоқаевнинг амалий ташрифи вертолётда Сергеевка сув омбори, Қизилжар тумани ва Петропав шаҳри атрофини кўздан кечиришдан бошланди.
Вилоят ҳокими Ғауез Нурмуҳамбетов Давлат раҳбарига Шимолий Қозоғистон вилоятининг Қизилжар, Есил, Шал ақин туманлари ва Петропавл шаҳридаги сув тошқинлари билан боғлиқ вазият ҳақида ахборот берди. Вилоят ҳокимининг маълум қилишича, олти туманда фавқулодда ҳолат эълон қилинган. Ҳозирда 2000 дан ортиқ уй сув остида қолган, 10345 киши эвакуация қилинган.
Сув тошқинларининг олдини олиш тадбирларига 5270 киши, 906 техника сафарбар этилган. Одамлар ҳаёти учун зарур бўлган инфратузилмаларни реконструкция қилиш ишлари давом этмоқда. Табиий офатлардан жабрланган фуқароларнинг моддий зарарларини ҳисоблаш ва қоплаш бўйича комиссия тузилди.
