Чимкентга 514 миллиард тенгедан ортиқ инвестициялар жалб қилинди
2023 йилда Чимкентга киритилган инвестициялар ҳажми 514,3 миллиард тенгега етди. Йил охиригача бу кўрсаткични 721,7 миллиард тенгега етказиш режалаштирилган. Инвестициялар ҳажми ўтган йилга нисбатан 32 фоизга ошиши кутилмоқда, дея хабар беради Kazinform агентлиги шаҳар ҳокимлигига таяниб.
Бугунги кунга қадар шаҳарда умумий қиймати 80,7 миллиард тенге бўлган 30 та инвестиция лойиҳаси амалга оширилиб, 2 минг 147 киши доимий иш билан таъминланди.
Жорий йилда умумий инвестиция қиймати 103,5 миллиард тенге бўлган 41 та лойиҳа ишга туширилиб, 2 836 та янги иш ўрни яратиш режалаштирилган.
2023 йилдан 2027 йилгача бўлган даврда умумий қиймати 1,8 трлн тенгега тенг бўлган 276 та инвестиция лойиҳаларидан иборат жамғарма шакллантирилди. Бунинг натижасида 32 мингдан ортиқ киши иш билан таъминланади.
Учинчи мегаполисда бешта саноат зонаси мавжуд. Умумий майдони 869 гектар. Режалаштирилган жадвалга кўра, умумий қиймати 358 миллиард тенге бўлган 337 та лойиҳа амалга оширилмоқда.
Бугунги кунга қадар инвестициялар ҳажми 216 миллиард тенгени ташкил этди, 273 та лойиҳа амалга оширилди. 8 мингдан ортиқ киши доимий иш билан таъминланган.
