Чимкент ва Қоҳира шаҳарларини тўғридан-тўғри рейс боғлайди
ASTANA. Kazinform - Қозоғистон авиакомпанияси Мисрга янги йўналиш очишни режалаштирмоқда, деб хабар беради Кazinform.
– ҚР Транспорт вазирлиги парвозлар географиясини кенгайтириш ва мавжуд йўналишлар бўйича қатновлар сонини кўпайтириш бўйича доимий иш олиб бормоқда. Жорий йилнинг 29-май кунидан бошлаб Қозоғистоннинг «SCAT» авиакомпанияси Чимкент-Қоҳира йўналиши бўйича Мисрга янги йўналиш очишни режалаштирмоқда, — деб хабар берди вазирлик матбуот хизмати.
Парвозлар ҳафтасига икки марта (душанба ва чоршанба кунлари) «Boeing 737-800» ва «Boeing MAX 8» самолётларида амалга оширилади.
Ҳаво қатновининг очилиши икки давлат ўртасидаги савдо-иқтисодий, бизнес ва туризм соҳасидаги ҳамкорликни янада ривожлантиришга хизмат қилиши кутилмоқда.
Эслатиб ўтамиз, аввалроқ Қарағандидан Истанбулга тўғридан-тўғри рейс йўлга қўйилиши хабар қилинган эди.
