Бўлажак Қозоғистон АЭСлари учун мутахассислар қайси давлатларда тайёрланади

ASTANA. Kazinform - Айни пайтда Қозоғистонда атом саноати учун малакали кадрлар фаол тайёрланмоқда. Бу ҳақда Kazinform агентлиги сўровига ҚР Энергетика вазирлиги жавобан маълум қилди.

Энергетика вазирлиги маълумотларига кўра, мутахассислар физика, энергетика, электротехника ва тоғ-кон муҳандислигига оид 18 та ўқув дастури бўйича тайёрланади.

2024-2025 ўқув йилида ушбу йўналишлар учун 5246 та таълим гранти ажратилди. Жумладан: бакалавриат – 4 530 грант, магистратура – 590 грант, докторантура – 126 грант.

“Кадрлар тайёрлаш ишлари мамлакатимиз олий ўқув юртларида ҳам, ядро технологияларига ихтисослашган етакчи хорижий олий таълим муассасаларида ҳам олиб бориляпти. “Атом ва ядро саноати” ихтисослиги “Болашақ” давлат дастурининг устувор йўналишларидан биридир. 2024 йилдан буён 4 нафар магистрант ушбу дастур бўйича АҚШ, Буюк Британия ва Францияда таҳсил оляпти”, - дейилади Энергетика вазирлигининг жавобида.

Россия ва Венгрия бу давлатларга қўшилиш ниятида. 

“Атом саноати учун кадрлар тайёрлаш Қозоғистон олий ўқув юртларида 5 та ўқув ва 3 та диплом дастурлари (ядро физикаси, ядро муҳандислиги, ядро физикаси ва атом энергетикаси, назарий ядро физикаси) асосида амалга оширилади. Бундан ташқари, Қозоғистон хорижий ҳамкорлар билан илмий-таълим базасини ривожлантира бошлади. Франция, Россия ва Венгрия билан қатор ҳужжатлар имзоланди. Қозоғистон Республикасининг ёқилғи-энергетика комплексини ривожлантириш концепциясига мувофиқ, атом саноатини малакали кадрлар билан таъминлаш, хорижий дастурлар бўйича грантлар ажратиш ишлари олиб бориляпти. Бундан ташқари, ишлаётган атом электр станцияларида бўлажак кадрлар учун амалиётлар ва стажировкалар ташкил этиляпти”, дея хабар беради вазирлик.