Бу йил 4000га яқин этник қозоқ ватандош мақомини олди

NUR-SULTAN. Kazinform – 2021 йил 1 апрель ҳолатига кўра, 3966 киши тарихий Ватанига қайтиб, ватандош мақомини олди. Бу ҳақда Kazinform ҚР Меҳнат ва аҳолини ижтимоий ҳимоя қилиш вазирлигига асосланиб хабар беради.

Умуман олганда, 1991 йилдан бери 1 млн 74,3 мингга яқин этник қозоқлар Қозоғистонга қайтиб келди.

Жорий йил бошидан буён Қозоғистонга келган ватандошларнинг ярмидан кўпи (75,6%) Ўзбекистондан, 11,9% - Хитойдан, 5,8% - Туркманистондан, 3,0% - Мўғулистондан ва 3,6% - бошқа мамлакатлардан.

Улар асосан Алмати (32,6%), Туркистон (16,5%) ва Манғистау (14,2%) вилоятларига, шунингдек Чимкент (12,0%) ва Нур-Султонга (5,4%) шаҳарларида жойлашдилар.

Жорий йилнинг 1 апрель ҳолатига кўра, меҳнатга лаёқатли этник ватандошлар сони 59,9%, меҳнатга лаёқатли ёшга етмаганлар - 24,1 фоизни ва нафақахўрлар - 17,3 фоизни ташкил этмоқда.