Бу йил 1 миллион киши ҳаж зиёратига бора олади

Саудия Арабистони Ҳаж ва Умра ишлари вазирлиги 2022 йилда ҳаж зиёратига кела оладиганлар сонига чеклов жорий қилди. Яъни Маккага бор-йўғи 1 миллион киши юборилади. Бу рақамга маҳаллий ва хорижий зиёратчилар киради.

Зиёратчиларга қўйиладиган талаблар ҳам оширилди: улар 65 ёшдан кичик бўлиши ва коронавирус инфекциясига қарши эмланган бўлиши керак.

Бундан ташқари, зиёратчилар 72 соатдан ошмаган ПЗР тести топширган бўлишлари керак.