Бокс бўйича Осиё чемпионатини Қозоғистон ғалаба билан бошлади

ASTANA. Kazinform - Иордания пойтахти Амман шаҳрида бўлиб ўтаётган бокс бўйича Осиё чемпионатида Қозоғистон сафидан Серик Темиржанов биринчи бўлиб рингга кўтарилди, деб хабар бермоқда Kazinform мухбири.

57 килограмм вазнда қозоғистонлик боксчи туркманистонлик Ихлаз Гиличжанов билан жанг ўтказди.

Уч раунд давом этган жангда С.Темиржанов устунлик қилди ва ҳакамлар бир овоздан ғалабани қозоғистонлик спортчига берди.

Серик ўтган йили Сербия пойтахти Белградда ўтказилган жаҳон чемпионатида кумуш медални қўлга киритган эди. У ёшлар ўртасида Осиё чемпиони ҳисобланади.

Бугун, шунингдек, 63,5 килограммгача бўлган вазн тоифасида Санатали Тўлтаев ўзбекистонлик Руслан Абдуллаев билан куч синашади.

Муаллиф: Ғайса-Ғали Сейтақ