БМТ ўз ходимлари хусийлар томонидан қўлга олиниши туфайли Ямандаги айрим операцияларни тўхтатди

ASTANА. Кazinforn - Бирлашган Миллатлар Ташкилоти ходимларининг хавфсизлигини таъминлаш учун "фавқулодда ва вақтинчалик чора" кўрилганини эълон қилди.

Бирлашган Миллатлар Ташкилоти Яманнинг Саада минтақасига ёрдам кўрсатиш амалиётларини тўхтатди. Бунга ўтган ой хусийлар томонидан унинг саккиз нафар ходимининг қўлга олиниши сабаб бўлган. 24 январдаги воқеадан сўнг БМТ хусийлар назорати остидаги ҳудудларга ташрифни тўхтатди.

Бирлашган Миллатлар Ташкилоти душанба куни берган расмий баёнотида хавфсизлик кафолатлари йўқлиги сабабли Саада провинциясидаги барча амалиёт ва дастурларни тўхтатишга қарор қилганини эълон қилди.

- Бу — фавқулодда ва вақтинчалик чора. БМТ ходимлари ва унинг ҳамкорлари хавфсизлигини таъминлаш мақсадида қилинмоқда, - деди БМТ вакили ўринбосари Фархан Ҳақ.

Ҳозирда Саадада БМТнинг еттита агентлиги фаолият юритмоқда, жумладан, Жаҳон озиқ-овқат дастури, Жаҳон соғлиқни сақлаш ташкилоти ва ЮНИCEФ.

Эслатиб ўтамиз, аввалроқ АҚШ Ямандаги хусийларни яна террорчи ташкилот деб тан олгани ҳақида хабар берган эдик.