БМТ Бош котиби Антониу Гутерриш Димаш билан учрашди

ASTANA. Kazinform – Бугун БМТ Бош котиби Антониу Гутерриш Халқаро миграция ташкилотининг (ХМТ) эзгу ният элчиси, дунёга машҳур қўшиқчи Димаш Қудайберген билан учрашди.

“4 июль куни мен ХМТнинг эзгу ният элчиси сифатида ШҲТ саммити доирасида Қозоғистонга ташриф буюрган БМТ Бош котиби жаноб Антониу Гутерриш билан учрашдим. Муҳим миграция масаласи муҳокама қилинди ва мен бу борадаги ишларни қўллаб-қувватлашимни айтдим. Бош котиб миграция соҳасининг муҳим жиҳатларига тўхталиб ўтди”, – деб ёзади Д.Қудайберген ижтимоий тармоқдаги саҳифасида.

Бундан ташқари, Бош котиб А.Гутерриш Димашнинг санъати бутун дунё бўйлаб миллионлаб одамларда катта таассурот қолдиргани, унинг овози инсон ҳуқуқларини ҳимоя қилиш ва аҳолининг хабардорлигини оширишга катта ҳисса қўшаётганини таъкидлади.

“Оламдаги ижобий ўзгаришлар учун ўз истеъдодимдан фойдалана олганимдан миннатдорман. Шу боис бугунги фотосуратни оммага тақдим этаётганимдан хурсандман”, – деди хонанда.