Бельгия бош вазири истеъфога чиқди

Бельгия федерал парламентига бўлиб ўтган сайловларда «Open Vld» Фламанд партияси ёмон натижаларга эришди ва унинг раҳбари, амалдаги бош вазир Александр Де Кроо истеъфога чиқишга қарор қилди, деб хабар беради Каzinform.

Бельгияда якшанба куни Европа парламенти ҳамда федерал ва минтақавий даражадаги вакиллик органларига сайловлар бўлиб ўтди.

Бельгиянинг Фламанд қисмида бўлиб ўтган сайловларда Барт Де Вевернинг «N-VA» (Янги Фламанд иттифоқи) миллатчи партияси ғалаба қозонди.

«N-VA» низомининг моддаларидан бири партиянинг мақсади сифатида мустақил Фландрияни яратишни белгилайди. Миграцияга қарши ўта ўнг партия «Флаамс Беланг» «N-VA»дан бироз орқада.

Бош вазир А.Кроонинг либерал «Оpen VLD» партияси Бельгия шимолида йўқотишларга учради (сайлов натижаси 10 фоиздан паст эди).

Валлонияда маҳаллий социалистларнинг позицияси кучлилигича қолмоқда ва Брюсселда француз тилида сўзлашувчи «MR» либерал партияси ғалаба қозонди.

Александр Де Кроо ўз фаолларига мурожаатида француз тилида сўзлашувчи Бельгияда N-VА, «Флаамс Беланга» ва МR сайловлари ғолибларини табриклади.

“Бу оқшом биз учун айниқса оғир кечди, ютқаздик. Эртага мен Бош вазир лавозимидан истеъфога чиқаман. Лекин либераллар кучли, биз қайтамиз”, – деди А.Кроо нутқида.