Бельгияда Қозоғистондан келаётган юкларга ҳеч қандай тўсиқ йўқ

BRUSSELS. Kazinform – Пайшанба куни Қозоғистоннинг Бельгия Қироллигидаги элчиси Марғулан Баймухан Антверпен халқаро порти вице-президенти Люк Арноутс билан учрашди, деб хабар бермоқда Kazinform мухбири.

Учрашувда қозоғистонлик дипломат Бельгия денгиз терминали раҳбарияти ва операторларини Ғарб санкцияларига дучор бўлмаган Қозоғистон юкларига тўсиқ қўйилмаслигига чақирди.

Антверпен порти раҳбариятига кўра, ҳозирча Қозоғистон юкларини бошқа жойга кўчириш ҳолатлари қайд этилмаган. Бундан ташқари, Европа Иттифоқи институтлари ва Бельгия федерал ҳукумати Қозоғистон юкларини блокировка қилиш бўйича ҳеч қандай қарорга эга эмас.

Антверпен халқаро денгиз порти вице-президенти Л.Арноутс Антверпен портида фаолият юритаётган денгизчиларни Қозоғистон юклари учун чекловлар йўқлиги ҳақида хабардор қилишига ишонтирди.

Бельгиянинг Антверпен денгиз порти дунёдаги 20 та энг йирик портлардан бири ва Европа Иттифоқида 2-ўринда туради (Нидерландиянинг Роттердам портидан кейин). Порт 13000 га майдон ва 1100 км темир йўлга эга. Портда 143 мингга яқин иш ўрни ва 1000 та компания мавжуд бўлиб, улар Бельгия ялпи ички маҳсулотининг 4,1 фоизини ташкил қилади.

Муаллиф: Арнур Рахимбаев