Бангладешда денге безгаги билан касалланганлар сони 100 000 дан ошди

DHAKA. Kazinform - Шу ойда Бангладешда денге безгагининг тарихдаги энг кучли эпидемияси авж олди. Касаллик ҳозирнинг ўзида 234 кишининг ёстиғини қуритган, дея хабар беради Kazinform Xinhua агентлигига таяниб.

21 август куни маҳаллий вақт билан эрталабки 8:00 ҳолатига кўра, сўнгги 24 соат ичида мамлакатда 2197 та янги данг безгаги касаллиги қайд этилган. Жорий йил бошидан буён касалланганларнинг умумий сони 102 191 нафарга етди.

Мамлакат Соғлиқни сақлаш бош бошқармасининг расмий маълумотларига кўра, фақат август ойида 50 359 ҳолат қайд этилган.

2019 йилда мамлакатда 101,354 та ҳолат қайд этилганди.

Соғлиқни сақлаш мутахассислари, шу жумладан энтомологлар, бу йилги эпидемия касалланиш ва ўлим ҳолатлари бўйича барча рекордларни бузиши мумкинлигидан хавотирда, чунки янги ҳолатлар ва ўлим ҳолатлари тобора кўпайиб бормоқда.