Бангкокда олти нафар ҳиндистонлик ҳайвонот боғидаги ҳайвонларни ноқонуний олиб кетмоқчи бўлди
ASTANА. Кazinform — Таиланд божхоначилари мамлакатдан қизил пандалар ва бошқа ҳайвонларни олиб чиқиб кетишга уринган олти нафар Ҳиндистон фуқаросини қўлга олди. Бу ҳақда BBC ёзган.
Божхона ходимлари 87 та ҳайвон, жумладан, илон ва тўтиқушлар топилганини айтди. Гумонланувчилар ушбу “ҳайвонот боғи”ни Бангкокдан Мумбайга учаётган самолётга олиб ўтмоқчи бўлган.
Контрабандачилар айбдор деб топилса, 10 йилгача қамоқ жазосига ҳукм қилиниши мумкин.
Таиланд божхоначилари саватдаги қизил панда, шунингдек, пластик идишдаги тўтиқуш суратини эълон қилди.
Жаҳон қора бозорида сотиладиган ҳайвонларнинг катта қисми Таиланд орқали олиб ўтилади. Улар одатда Хитой ва Вьетнамга жўнатилади, аммо сўнгги йилларда Ҳиндистонга кўпроқ ҳайвонлар олиб келинган.
Қизил пандалар Хитой, Ҳиндистон, Непал, Бутан ва Мьянманинг тоғли ўрмонларида яшайди. Овчиларнинг кўплиги ва яшаш жойларининг вайрон бўлиши туфайли уларнинг табиатда омон қолиши таҳдид остида. Ҳозир уларнинг сони 10 мингдан кам.
